《日日媽媽聲》︳御用婆婆許碧姬照顧腦中風女兒 拍劇集郵：阿女見到合照好開心

無綫綜藝節目《日日媽媽聲》當中的「超級媽媽」環節，訪問了大家在熒幕上經常見到的甘草演員、人稱「御用婆婆」的許碧姬。俗語有云「養兒一百歲，長憂九十九」，現年90歲的碧姬婆婆，因大女在36歲時一次大病，醫生證實為腦中風，四肢不能動彈及失去說話能力，只能靠雙眼轉動來表達意思。要照顧腦中風的病人並非簡單事，何況大女出事時碧姬婆婆已經65歲，她回憶女兒腦中風後面對的問題時說：「醫生話醫院啲床位好緊拙，叫我一定要搵地方畀佢療養，當時我就聽醫生講去搵療養院，但我去到門口見到已經唔鍾意，我惟有同醫生講自己照顧，一邊等候政府嘅療養院，醫生問我點照顧佢，你幾多歲?」

{{hket:inline-image name="70.jpg"}}{{/hket:inline-image}}

無綫劇集中有「御用婆婆」之稱的許碧姬，曾照顧腦中風的大女兒達19年之久。(圖片：電視截圖)

{{hket:inline-image name="55.jpg"}}{{/hket:inline-image}}

碧姬婆婆因為大女腦中風而入行拍戲。(圖片：電視截圖)

日日媽媽聲│鍾麗淇視大女為「戰士公主」 以身教代替強迫細女照顧家姐 【下一頁】

一個老人家要照顧腦中風女兒當然不容易，碧姬婆婆等了6年，女兒終於輪候到政府的療養院，碧姬婆婆於是每日風雨不改，由沙田住所坐巴士入元朗的療養院探望女兒，來回車程達兩小時都沒有怨言：「佢習慣見到我，就算我要開工，得半個鐘，我都會去見下佢，分享下我拍戲嘅事，佢好鍾意聽。」

碧姬婆婆常演「執紙皮」、「倒垃圾」婆婆等角色，但她從不介意，只因拍戲是為大女開心：「我演嘅角色無論對白多定少，我都鍾意去做，因為係為咗我個女，佢好鍾意睇電視，亦鍾意睇明星，所以我咪諗不如去做戲，咁樣就可以同好明星合照拎返嚟畀阿女睇，等佢開心多一啲。」

（點擊圖片放大）

雖然大女已離世多年，但碧姬婆婆仍然掛念她，「冇大女喺身邊係感到寂莫，但我咪拎同佢以前去旅行嘅相出嚟睇，個心都會舒坦啲。」她亦明白女兒離開都是一種解脫：「我諗佢病咗咁耐，19年好長時間，佢辛苦，我都辛苦，我都希望佢早啲得到安息。」節目安排碧姬婆婆的細女Grace現身，給媽媽獻花，指媽媽在她心目中是200分的好媽媽，以媽媽為榮及視為榜樣，祝媽媽身體健康，開開心心。

（點擊圖片放大）

撰文：衛紫敏

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

最新圖片︳余慕蓮出院近一個月精神飽滿 約朋友飲茶要靠步行架出入 【下一頁】